...CONTENTI?

lunedì 21 luglio 2014

Venetian Post. Scrito in vicentin e venessian de Lujo. In giro tra Vincensa e Venessia pa provar profumi pa vialtri e i morti cani de quei che no ne voe ben. Basa, lesi e tasi.

From Jicky 2.0, the Most Visited European Blog of Perfumery, Numer One in 2013 and 2014. The first review of bad and good fragrances of the world in venetian dialect (or venetian language):


Sicome ghe g'era da ndar al Redentor ghemo ditto ndemo pa Vincensa e po Venessia e femo on pochi de controi su quel che ghe xe in giro e su come che ea roba ne pare desso che xe caldo da sciopar.
Cussì semo ndai provar profumi veci e novi tuti ntee formue atuai, corenti come se dixe.
Jour d'Hermes Absolu xe na roba che te copa in lujo, el xe pesante el mete da rimetar fora el magnar, sa da Jour d'Hermes co na feta de meòn coi bissetti, strafata, na roba calonata de calone che tien su un che de persego, fruta matura, ma te ciapa el stomego, xe fato proprio par dispeto, anca ntel cueo (drydown).
Caleche EDT, bon bon , tien bon che bon. Xe uno dei mejo modi de tegner le aldeidi, gran laoro, no e putanade de Serge Lutens, che ga fato ultima ultima areo ì, la lana de vero che a xe aldeide c-10 butà pa dispeto.... N'antro bon da gnente xe Duchaufour che pa l'Artisan ga fato putanade da metar voja de spacar tuto coe masse, da buttar tutto in canal scumisiando da eo... Disevimo che Caleche, benché cambià xe ancora bon. Ciò, se ti te provi Caleche de vint'ani o trent'ani fa ti te rabalti daea contenteza, el gera na bomba, bon mejo anca de N°5, con bel sandalo, nota de rosa bulgara che gera vera rosa bulgara ani 60 done che rancurava i bocioi a man, miga come desso coe trebbie da rosari...
Se vialtri o catè vecio xe tanto mejo nsoma...
Paco Rabanne Pour Homme, i o fa ncora ma xe na porcaria che nol ghe someja pì a queo vero de na volta, queo gera bon e invesse questo sa da roba pa lavarse el gnaro dea femena o queo de tuta la fameia.
Narciso Rodriguez EDP queo rosa, sa da muschi bianchi e rosa ma no sta dimandarme quala parché xe n'odor tanto chimico, sa da plastegon. Caldo fredo xe on profumo ndà in desgrassia. 
First Van Cleef & Arpels, xe veramente bon. Quele bestie che dixe chel spusa parché noe conosse e geme de ribes bisognaria metarghe on pao su par cueo come Vlad Tepes faseva, e xe gnoranti cofà e luje in lujo.
Xe on bon profumo, elegante. Ti te catti el vintage el vecio ti te rabalti dala contenteza, xe mejo par forsa...
Dsquared2 He Wood xe na sciafa de ambra finta mesa ambrocenide e schifio se finisse, xe roba pa gente poareta 'ntel naso e 'ntel tsarveo...
See by Chloè Eau Fraiche xe a version fresca de queo che ghemo fato nialtri e che i neo gà ciavà, See o ghemo fato prima de eori e o ghemo mandà savemo nialtri a chi, che dopo ghemo visto i neo gà messo ntel cocon! Comunque See EF mantien la nota banana, la nota che eori ghe dixe pomi fatti, xe frescoin, gà ambrocenide pure questo, agrumeti, ma no xe bon da portar... ghemo tanto sercà calcossa de fresco pa na tosatta bona che ghe piaxe uno de nialtri ma gnente ni fà de bon, el mejo dei ozonati resta Aquawoman de Rochas Pour Femme, chel xe bon che seo metemo anca nialtri, razionandolo parché xe un profumo vip.
Elixir de Marveilles, questo xe bon assè, resine e patchouly strafighi, dolse naransa con frescura verde masseina soa scorsa, na bea maniera de tegner el dolse soto la soglia della nausea, forte ma forte el giusto par piaxer a omani e done, fioi e fie.
OOO, desso do merde: Burberry London Men, che sa da niente e Encre Noir de Lalique che sa da cashmeran e vetiver. Uno xe on toco de tea incoeà a na merda de vero con drento odor de ambre sintetiche e idea de tabaco che fa pecà ai peoci, e chel'altro Encre Noir xe invesse ma miseria intellettuale che na persona na scianta preparà xe ferma e xe dimanda, ma chi casso xe che ga da ver na testa de sambugaro tanta da sentire sta roba e dire me piaxe? Xe roba da gnoranti che poe sprussarse dosso l'Autan che tanto distingue poco el bon dal tristo.
Po ghe xe Creed, queo che se nol conta na cojonada ogni do paroe no xe eou...
Cedar Blanc, porca la m***** xe on plastegon agrumà, sa da matite na scianta che ga da far pa cedro e pa sandaeo, na roba da vergogna, no ghe xe altro, l'idea del vetiver la ghe xe ma la vae come e paroe de chel tanghero eà, el vae on casso. Dosento euro el costa, ti te ghei dà? Ti xe nsemenio come quei altri creedini, te vegnesse del ben...
Altra putanada xe Patou, quei novi xe biasteme che soea: Patou Pour Homme novo sa da ambra plastegon, e basta do merde verdi insima, e meo dito ti cossa chel dovaria somejare a queo originae? Parché i xe parenti come na vacca co na farfaea, parenti par gnente! Gera mejo Procter & Gamble, sta nichia la fa cagare dei morti cani sui marciapiè, ma i dovaria cagarghe sol peto a quei chei fà...
Come se fa a fare come Oriza Legrand tante arie de storia, ma xe tute monade, bae, cojonade.
Piver LT, ma cossa vojo far che non gavì gnanca e formue e le maestranze, come pure tutti chialtri viliachi che i scrive dal 1700, dal 1800, un par de ovi ransi! Parché noi gà corajo de metarse in sogo sinceri e dir va qua mi so n'ebete che ga comprà a Ginevra diexe profumi co eticheta nova, te piaxei, ti te tei compri noi te piaxe torno a fare e pulissie dee scae... No xe giusto fare intendar a ea gente che xe queo che gera el preferio de Chruchill se ti xe nato coi to profumi 20 ani dopo che Churchill gera morto! Ti vol tratar cussì la gente, eora ti te meti la calsa in testa cussì i o sà tutti chi ti xe, che ti te voi tutti i schei sensa meriti, dixendo paroe che mete confusion pa ciapare schei fasili. Te vegnesse na prostata come na mongolfiera, te soessi via... e te sciopessi co ti xe alto da tera da cascar sora de on leamaro...

8 commenti:

  1. ..e no te pol desmentegar un bel g** s**** final..
    'more

    RispondiElimina
    Risposte
    1. Ah ah ah, xe vero no ma ghesbò xe pa quando che semo rabiai, gerimo contenti lì, rinfrescà tra i temporai ;) Ciao bea.

      Elimina
  2. Nooooo me gavi' modera'...
    no che si amissi dea.... No, vero?

    RispondiElimina
    Risposte
    1. No xe rivà gnente a nome Jeriko, vara che ti te si sbajà col boton, scrivi da novo.
      J.

      Elimina
  3. Aeora, intanto me incassavo che non si vegnui a trovarme pasando per Vicensa: e passiensa sari' stai de premura.
    Ma queo che no ve perdono se de non eser passai a trovare a Chemeo soto a basiica...
    Go capio che quando che te entri da ea non la te assa piu vegner fora, e dopo verte fato snasar anca la parussola se non te piase propio gnente la te tira fora anca el dentifricio Listerine... Ma la saria sta tanto na opera bona, poareta! In sostansa : Vergogne've!

    RispondiElimina
  4. Ma sapete che, di calèche, ho un parfum de toilette che mi fa starnutire alla grandissima ogni volta che lo metto? Potrei essere uno di quei rari casi, percui l'ifra finge di vietare ciò che vieta? Ovviamente me ne frego, mi piace troppo, fino a che non dovrò adoperare contemporaneamente il ventolin , lo metterò. La versione di adesso non la conosco; nel caso, mi pare di capire, che sia promossa anche la tipologia attuale... Da che dipende, che alcuni profumi sintetici vengano promossi e altri bocciati? In fondo, anche il muschio di quercia o la rosa odierni di calèche o di chanel 5 sono tarocchi ad esempio, perché nn bocciarli come tanti altri, considerati alla stregua di morti viventi, giacché sostituiti negli ingredienti naturali?

    RispondiElimina
    Risposte
    1. Chanel fino a tempi recentissimi ha basato le sue riformulazioni su studi interni o privati e non su regole Ifra. Hermes è un altro dei pochi casi di sufficiente indipendenza, cioè non ci risulta commissioni fuori dai propri laboratori i profumi. Ma occorre il rientro dalla vacanze brevi del saggio per scriverne un saggio.
      J.

      Elimina

Nous sommes ici pour révérer l'affection que nous recevons, avec dévouement et engagement. Nous voulons accompagner les amis sur le chemin de la beauté avec les compétences et la loyauté qui nous différencient, dans un monde de menteurs et incompétents. Tempo da perdere con approfittatori e perditempo ne abbiamo sempre meno: francamente, non ne abbiamo più.

Possono commentare liberamente solo gli amici e sostenitori. I quali hanno accesso all'under-Blog ed ai contenuti più esclusivi, ricevono sempre risposta e hanno precedenza su tutti gli altri.

I messaggi contenenti link pubblicitari, o comunque non autorizzati, vengono eliminati da sistemi automatici.

J!cky 2.0